Te Bira Min

Sedemên ku hiştin ez rahêjim pênûsê û dest bi nivîsandina bîranînên xwe bikim, pirr cuda ne ji sedemên ku hiştin mirovên bi nav û deng wek Churchill, De Gaulle, Xruşov û yên weke wan, rahêjin pênûsên xwe û dest bi nivîsandina bîranînên xwe bikin. Van camêran, bîranînên xwe nivîsandin, ji ber ku wan dizanibûn ew çiqas di dîroka gelên xwe de girîng bûn û wan çiqasî dikaribûn berê pêvajoya netewên xwe bi rengekî erênî biguherînin. Sedema herî sereke ku hişt vêce ez dest bi nivîsandina bîranînên xwe bikim ev hezkirin -bi gotinek rasttir- ev dilketina min a ji nişka ve, ya zimanê kurdî ye.